അപ്പോസ്തലനായ പൗലൊസ് റോമർക്ക് എഴുതിയ ലേഖനം “ഒരു പഠന ക്രമം”

ഇന്ന് ഇസ്രായേൽ എന്ന പേരിൽ അറിയപ്പെടുന്ന രാജ്യത്ത് ഏ.ഡി. ഒന്നാം നൂറ്റാണ്ടിൽ ജീവിച്ചിരുന്ന ഒരു ശ്രെഷ്ഠ പുരുഷനാണ് പൗലോസ്.ആഴമായ മതഭക്തി നിറഞ്ഞ അദ്ദേഹം യെഹൂദാ മതാചാരങ്ങൾ ജാഗ്രതയോടെ അനുഷ്ഠിച്ചു പൊന്നു. മത തീഷ്ണത മൂലം അന്നുള്ള ക്രിസ്ത്യാനികളെ അദ്ദേഹം പീഡിപ്പിക്കുകയും ആ മാർഗക്കാരെ ഉന്മൂലനം ചെയ്യുവാൻവേണ്ടി കഠിനമായി പ്രയത്‌നിക്കുകയും ചെയ്തു . ഈ പ്രയത്നത്തിനിടയിൽ അദ്ദേഹത്തിന് യേശുക്രിസ്തുവിന്റെ ഒരു അഭിമുഖ ദർശനം ലഭിച്ചു . അതോടെ തികച്ചും വിഭിന്നമായ ഒരു വ്യക്തിയായി അദ്ദേഹം തീർന്നു . ഒരുത്തൻ ക്രിസ്ത്യാനി ആകുമ്പോൾ അയാൾ ആന്തരികമായി തികച്ചും പുതിയൊരു വ്യക്തിയായി തീരുന്നു . ക്രിസ്തുവിനെ അറിയുകയാണ് ജീവിതത്തിലെ സർവോന്നതമായ അനുഭവമെന്ന പൗലോസ് മനസിലാക്കി . വിശ്വാസത്തിലൂടെ ക്രിസ്തുവിനോട് ഏകീഭാവം പ്രാപിച്ച ജീവിതത്തിന്റെ പരമ ലക്ഷ്യമായ നിത്യ ജീവനിൽ എത്തിച്ചേരുന്നത് എങ്ങനെയെന്ന് റോമിലെ ക്രിസ്ത്യാനികൾക്ക് എഴുതിയ ഈ ലേഖനത്തിൽ അദ്ദേഹം വിശദീകരിച്ചിരിക്കുന്നു .